Watu 150 walikamatwa katika usiku wa pili wa maandamano ya Ufaransa baada ya mtoto wa miaka 17 kuuawa kwa kupigwa risasi na polisi

 Kutoka Kituo cha habari CNN imeripotiwa kuwa;

Mamlaka ya Ufaransa imewakamata watu takriban 150 usiku kucha baada ya maandamano kuzuka kwa siku ya pili kufuatia kifo cha kijana kilichosababishwa na polisi, maafisa walisema Alhamisi.

Waziri wa Mambo ya Ndani Gérald Darmanin aliandika kwenye Twitter kwamba "majengo ya manispaa, shule, na vituo vya polisi viliteketezwa au kushambuliwa" wakati wa usiku wa "vurugu zisizokubalika".

Hasira inaongezeka nchini Ufaransa kutokana na kifo cha kijana mwenye umri wa miaka 17, anayejulikana kwa jina la Naël, ambaye alipigwa risasi na polisi wakati wa ukaguzi wa gari Jumanne katika mji wa Nanterre, karibu na Paris.

Tukio hilo limesababisha maandamano ya ghasia katika vitongoji kadhaa vya Paris Jumanne usiku, ambapo maafisa 24 wa polisi walijeruhiwa na magari 40 kuwaka moto, mamlaka ya Ufaransa walisema.

Kwa kutarajia ghasia kuendelea usiku wa pili, maafisa 2,000 wa polisi waliongezwa Jumatano mchana, mamlaka walisema.

Darmanin alionesha mshikamano na polisi na wazima moto, akisema: "aibu kwa wale ambao hawakutoa wito wa utulivu".

Afisa ambaye anadaiwa kumpiga risasi kijana huyo alikamatwa Jumanne na atahojiwa na mawakili wa mashtaka, ofisi ya mwendesha mashitaka wa Nanterre iliiambia CNN.