Jarida la National Geographic limewafuta wafanyakazi wake wote wa kudumu wiki hii

 

Jarida la National Geographic, ambalo limekuwa likiandika kuhusu dunia ya asili (Natural world) kwa zaidi ya miaka 100 na lina fremu ya njano, limewafuta kazi waandishi wake wote wa kudumu wiki hii, kulingana na wafanyakazi walioondoka. 

Haikujulikana ni wafanyakazi wangapi walifutwa kazi katika awamu ya hivi karibuni ya kupunguza wafanyakazi katika jarida hilo, lakini hatua hiyo inakuja wakati kampuni mama Walt Disney Co. imepunguza maelfu ya wafanyakazi katika idara zake mwaka huu.

National Geographic, ambalo lilikuwa na zaidi ya wajihi (subscribers) Milioni 1.7  mwishoni mwa mwaka 2022, litaendelea kuchapisha matoleo ya kila mwezi, msemaji wa jarida hilo alizungumza katika taarifa siku ya Jumatano. 

“Mabadiliko ya wafanyakazi hayataathiri uwezo wetu wa kufanya kazi hii, bali yatatupa uwezo zaidi wa kusimulia hadithi tofauti na kukutana na wasikilizaji wetu popote walipo katika majukwaa yetu mengi,” msemaji huyo alisema.“

“Madai yoyote kwamba mabadiliko ya hivi karibuni yataathiri vibaya jarida hilo, au ubora wa uandishi wetu, ni makosa kabisa.” Aliongezea

Habari za kupunguzwa kazi ziliripotiwa kwenye Twitter Jumanne wakati waandishi wa zamani wa jarida hilo walipoanza kusambaza habari za kuondoka kwao.

“Leo ni siku yangu ya mwisho katika National Geographic,” Michael Greshko, mwandishi wa zamani wa sayansi katika jarida hilo, aliandika kwenye Twitter. 

“Jarida linatengana na waandishi wake wa wafanyakazi, ikiwa ni pamoja na mimi.” Mwingine alisema.

“Inawezekana kwamba unachokiona ni kutoka kwa wafanyakazi ambao walikuwa wameathiriwa hapo awali na sasa wamefikia wiki yao ya mwisho katika kampuni,” msemaji wa jarida hilo alisema.

 Lakini siku ya Jumatano, waandishi na wafanyakazi wa jarida hilo waliandika Twitter kushiriki habari za kuondoka kwao. 

“National Geographic yangu mpya imefika, ambayo inajumuisha makala yangu ya hivi karibuni - yangu ya 16, na yangu ya mwisho kama mwandishi mkuu,” aliandika Craig Welch. 

“NatGeo inawafuta kazi waandishi wake wote na wafanyakazi.” 

“Ilikuwa safari ya ajabu, @NatGeo,” aliandika mwandishi wa zamani Nina Strochlic. 

“Wenzangu na mimi tulikuwa na bahati isiyoaminika kuwa darasa la mwisho la waandishi bwa wafanyakazi.”

Chanzo: CNN