Mabasi sasa Ruksa kusafiri masaa 24

 Serikali ya Tanzania imeamua kuondoa marufuku ya usafiri wa mabasi yaendayo usiku, ambayo ilikuwa imewekwa miongo kadhaa iliyopita. 

Uamuzi huo umefikiwa baada ya kuzingatia maoni ya wadau wa sekta ya usafiri, pamoja na jitihada za kuboresha miundombinu na usalama. 

Awali, marufuku hiyo ilikuwa imewekwa katika miaka ya 1990 kutokana na kuongezeka kwa ajali za barabarani na utekaji nyara wa mabasi.

Waziri Mkuu Kassim Majaliwa alitangaza uamuzi huo bungeni na aliagiza mamlaka husika kuandaa utaratibu wa kufuatwa na wamiliki na madereva wa mabasi ya abiria wanaopanga kusafirisha abiria usiku. Hatua hii inatarajiwa kusaidia kuchochea ukuaji wa sekta ya usafiri nchini Tanzania.

Chama cha wamiliki wa mabasi Tanzania kimepokea kwa furaha uamuzi wa kuondoa marufuku hiyo, kwani inatarajiwa kuwa na athari chanya kwa biashara zao.